നരകസഭയുടെ പുലരിവണ്ടിയോ
കുടുംബശ്രീപ്പെണ്ണുങ്ങളുടെ കൈപ്പുണ്യമോ കാത്തുറോഡരുകില് ഒതുങ്ങിക്കിടക്കുകയാണ്
ഗര്ഭാശയത്തില് എന്നപോല്
ഒരു പ്ലാസ്ടിക് കൂടിനുള്ളില് .
ഒരു പട്ടിയും തിരിഞ്ഞു നോക്കാതെ .
കൂട്ടിനു മിഴി പൂട്ടാതെ
വണ്ടി കയറി ആത്മാവ് പിളര്ന്നു പോയ
ഒരു പൂച്ച.
കൊടി വെച്ച കാറിനു കുറുകെ ചാടിയ
മനസാക്ഷി.
ഇന്നലെ കേരളം പെറ്റിട്ട പെണ്കുഞ്ഞു.
ഒറ്റ തവണയെ കരഞ്ഞുള്ളൂ
നാലാള് കേള്ക്കാതെ നാവടക്കി
"നല്ല അടക്കവും ഒതുക്കവും"
അമ്മയ്ക്കിന്നു പത്താം ക്ലാസ് പരീക്ഷ-
ദാരിദ്ര്യത്തിന്റെ ജീവശാസ്ത്രവും
പെണ്ണിന്റെ രസതന്ത്രവും
മൊഴി മാറ്റിയ ഭാഷയില് ഉത്തരം വിസ്തരിച്ചു.
എ പ്ലസ് കൊടുക്കണം.
നിന്റെ അനുഗ്രഹം ഇവളില്
ഇനിയും ഇനിയും ചൊരിയേണമേ
