ചുണ്ടുകളില് മൂന്ന് തുന്നലിട്ടു സ്റ്റിക്കര് ഒട്ടിച്ചു
മുന്നില് കഴുത്ത് ഞെരിഞ്ഞു പിടയുന്ന വാക്ക്
കണ്ണുകളില് കടന്ന സിറിഞ്ച് ഊറ്റിയെടുത്തത്
കാടും കടലും പുലരിയും സന്ധ്യയും നിലാവും
തുളസിക്കാഴ്ചകള് അര്ചിച്ച യാത്രകളും
പാതി വഴിയില് വെച്ച് പാദത്തില് ആണിയടിച്ചു
ഇനി അന്വേഷിക്കരുത്.മടങ്ങരുത് നീങ്ങരുത്...
ആകാശവും ഭൂമിയും അതിരിട്ടു
കരയും കടലും വേര്പെട്ടു
വെളിച്ചം കടഞ്ഞു രാവും പകലും മുറിഞ്ഞകന്നു
എങ്കിലും അതിരുകള് സാക്ഷിയാക്കി
കരയില് കയറ്റി വെച്ച തോണി അയവിറക്കും
ഭൂതവും ഭാവിയും അതില് വര്ത്തമാനം പറഞ്ഞിരിക്കും
ഒടുക്കത്തിരയും മരിച്ച കടല്
സ്ഥലകാല സംഗമസന്ധ്യ അനാഥം .
പിന് വാങ്ങലിന് നിലാവെണ്ണ വറ്റും
കരിന്തിരിയുടെ നിശബ്ദ മൊഴികള്ക്കു കാതു ചേര്ത്ത്
ഒറ്റനക്ഷത്രം മാത്രമുള്ള ആകാശം ..
മുന്നില് കഴുത്ത് ഞെരിഞ്ഞു പിടയുന്ന വാക്ക്
കണ്ണുകളില് കടന്ന സിറിഞ്ച് ഊറ്റിയെടുത്തത്
കാടും കടലും പുലരിയും സന്ധ്യയും നിലാവും
തുളസിക്കാഴ്ചകള് അര്ചിച്ച യാത്രകളും
പാതി വഴിയില് വെച്ച് പാദത്തില് ആണിയടിച്ചു
ഇനി അന്വേഷിക്കരുത്.മടങ്ങരുത് നീങ്ങരുത്...
ആകാശവും ഭൂമിയും അതിരിട്ടു
കരയും കടലും വേര്പെട്ടു
വെളിച്ചം കടഞ്ഞു രാവും പകലും മുറിഞ്ഞകന്നു
എങ്കിലും അതിരുകള് സാക്ഷിയാക്കി
കരയില് കയറ്റി വെച്ച തോണി അയവിറക്കും
ഭൂതവും ഭാവിയും അതില് വര്ത്തമാനം പറഞ്ഞിരിക്കും
ഒടുക്കത്തിരയും മരിച്ച കടല്
സ്ഥലകാല സംഗമസന്ധ്യ അനാഥം .
പിന് വാങ്ങലിന് നിലാവെണ്ണ വറ്റും
കരിന്തിരിയുടെ നിശബ്ദ മൊഴികള്ക്കു കാതു ചേര്ത്ത്
ഒറ്റനക്ഷത്രം മാത്രമുള്ള ആകാശം ..