ശിവരാത്രിക്ക്
രണ്ടു ദിവസം മുമ്പ്
എന്റെ
ഉളളം കൈയിലേക്കു
മനസുപോലെ
വെളുത്ത,
സ്വപ്നഹൃദയം
പോലെ തെളിഞ്ഞ
ഒരു
പുന്നാരസ്ഫടികത്തുണ്ട് വീണു.
മാനത്തെ
മേഘങ്ങളുടെ പിണക്കമലിഞ്ഞ്
പരസ്പരം പരിഭവം പറഞ്ഞു
പുണര്ന്നുചുംബിക്കുമ്പോള്
സ്നേഹനയനങ്ങളില്
നിന്നും ഉതിര്ന്നു വീഴുന്നതത്രേ
ഈ
പളുങ്കുമുത്തുകള്.
ഞാന്
ആര്ക്കാണിത് കൊടുക്കുക
അലിഞ്ഞുതീരുന്ന
ജിവിതത്തിലെ
തീരുമാനമെടുക്കേണ്ട
നിമിഷങ്ങളില്
അടുത്താരുമില്ലെങ്കില്..?
ഞാന്
ജീവിതമന്ദാരത്തിന്റെ ഇലയില്
ഇതു
പൊതിഞ്ഞു വെക്കുകയാണ്.
മാത്രകള്
വകഞ്ഞോടിയെത്തി
അലിയും
മുമ്പേ വന്നെടുക്കണേ പെണ്ണേ
ഈ ആലിപ്പഴം.