Wednesday, June 26, 2013

കറുത്ത ബാഡ്ജുളള മഴ


മഴയുടെ പ്രവേശനോത്സവം
പുതുമണ്ണില്‍ തുളളിക്കളി
ഇലകളില്‍ താളപ്പെരുമ
പുത്തന്‍ കുടകളില്‍ നിന്നും
പുഴയൊഴുക്കിലേക്ക്
കളിവള്ളങ്ങള്‍ .

രണ്ടാം ദിനവും 
സ്കൂളിലേതു പോലെ.
ആദിത്യനെ പുതപ്പിച്ചു കിടത്തും
അമ്പിളി ഹാജര്‍ പറയാനില്ല..
പുരകവിഞ്ഞ് പുരം കവിഞ്ഞ്
നായയുടെ ഓരിക്കും മുകളിലൂടെ...
പുഴയുടെ പാഠം ഇങ്ങനെയാണ്
മഴയ്ക കറുത്ത ബാഡ്ജ് കുത്തി
അവധി കൊടുക്കുക.

4 comments:

സൗഗന്ധികം said...

മിഴി നനയിക്കുന്നീ മഴ

ശുഭാശംസകൾ..

ajith said...

മറഞ്ഞുപോകുന്ന ഹാജറുകള്‍

Anu Raj said...

കൊള്ളാമല്ലോ....

മുഹമ്മദ്‌ ആറങ്ങോട്ടുകര said...

മഴക്കാഴ്ച്ചകള്‍ ..മനോഹരം.