Friday, June 3, 2011

ജൂണ്‍ മഴ

കുടക്കീഴിലോതുങ്ങാന്‍
ചേര്‍ന്നൊട്ടിക്കുളിരാന്‍
മഴ കൊതിച്ചു.
കൂടല്ലിത് കുടയാണ്‌
കുട ചിറകൊതുക്കി വിലക്കി.

സങ്കടം തുളുമ്പി പൊട്ടി
കൊരിചോരിഞ്ഞതും
ചിണുങ്ങി നിന്നതും
പിണങ്ങി ഒളിച്ചതും
ഇടറി വീണതും
മഴ..

ഞാന്‍ നിനക്ക് കുടയാകാം - മഴ
ഞാന്‍ നിനക്ക് മഴയാകാം - ഞാന്‍
കുടമാറ്റം
പഞ്ചവാദ്യങ്ങള്‍
പഞ്ചേന്ദ്രിയങ്ങളില്‍ പെയ്തു.
ജൂണില്‍ നമ്മളന്നു ഒന്നായി
പെയ്തപോലെ..

--

3 comments:

ഋതുസഞ്ജന said...

മനോഹരമായ വരികൾ

രമേശ്‌ അരൂര്‍ said...

കവിതയുള്ള കവിത അസ്സലായി മാഷേ ..:)

drkaladharantp said...

kingini mazha peyyatte