എന്റെ ഒരു വാക്ക്
"എന്റെ "എന്ന വാക്ക്
കാലം കുലപര്വതങ്ങളില് കടഞ്ഞു
ഋതുക്കള് ഗര്ഭം കൊണ്ട വാക്ക്.
ഹൃദയത്തില് സ്നേഹ നൂലുകൊണ്ട് തുന്നിക്കെട്ടുമ്പോള്
മിടിച്ചുയര്ന്ന വാക്ക്.
കൃഷ്ണമണികള്ക്കിടയില് മയില്പ്പീലി വീശിയ
ഹംസമഴ കരളില് പെയ്ത വാക്ക്.
നീലക്കുറിഞ്ഞി പാകിയ സ്വപ്നം
ആ വാക്കില് വിരിയുന്നത് ഞാന് കണ്ടു
പുലരി മഴയില് പാദം മുറിഞ്ഞ നടത്തത്തില്
താലിത്തിളക്കമുള്ള ഒരു വാക്ക്
കൊഴിയുന്നത് കാണാന് നീ കൊതിച്ചോ
എന്റെ മുത്തേ ..
--
4 comments:
ഇല്ല എന്റെ കവീ ...
എല്ലാ വരികളിലും കവിത ...........
നന്നായിട്ടുണ്ട്
അക്ഷരങ്ങള് ഒന്ന് കൂടി ക്രമപ്പെടുത്താന് ശ്രദ്ദിക്കുക
A person can say the word " ente" only to God who can only know the meaning of that word fully.
Post a Comment