വഴി തെറ്റുന്നില്ല

1
അടുക്കളപ്പുകയുടെ  അത്താഴപ്പട്ടിണിയില്‍ 
അമ്മക്കണ്ണീര്‍  നിറഞ്ഞ മാഞ്ചുവടു പോലെ 
ഞാന്‍ കരളടച്ചു ഇരുന്നിട്ടുണ്ട് .
ഇരുള്‍ മുറിച്ചു മിന്നാമിന്നി വരച്ചിടുന്ന 
സുവര്‍ണ രേഖയായ് അപ്പോള്‍ 
ഒരു മനസ്സ് കൈനീട്ടാറുണ്ട് 
അത് ആരുടെതാണ്  ?
2.

പുറപ്പെടാതെ എത്തപ്പെടുന്നോര്‍ക്ക് 
വഴി തെറ്റുന്നില്ല 
ഇല ഇട്ടുണ്ണാന്‍ 
കൂട്ടുകറിയോ കൂട്ടുകാരിയോ 
ഇല്ലാത്ത വിരുന്നു .



3. 

നിലവിളക്ക് എന്ന് എഴുതുമ്പോഴെല്ലാം 
വാക്കുകള്‍ കെട്ടു  പോകുന്നു 
നിലവിളിക്ക്  എന്നാണു വായിക്കുന്നത് 

4. 
നിന്റെ ശരീരത്തിലാണോ 
മനസ്സിലാണോ ഋതുക്കളുടെ മഹാനിധി ?
 
5.
ഇടവപ്പാതി എവിടെ 
നിന്റെ കണ്ണില്‍ കാറ് പാര്‍ക്ക് ചെയ്തിട്ടും ?

6 ( കുട്ടികള്‍ക്ക് )
സിംഹം കിണറിലേക്ക് നോക്കി
അതില്‍ അമ്പിളിക്കലയുടെ 
താരാട്ടില്‍ ഒരു മുയല്‍.
കഥകളുടെ സദസ്സിലേക്ക്
രാജാവ് പടവുകള്‍  ഇറങ്ങി .
പുറത്തു പരദൂഷണം

മറീന

ഇതിഹാസം-2

മേല്‍വിലാസക്കാരനെ കണ്ടുകിട്ടാതെ ലങ്കയില്‍ നിന്നും 
ശിരസറ്റു  മടങ്ങിയ സന്ദേശവും 
മേല്‍വിലാസക്കാരിയെ കണ്ടെത്താനാവാതെ അയോധ്യയില്‍ നിന്നും 
തേങ്ങി മടങ്ങിയ സന്ദേശവും 
ചേര്‍ത്ത് വെച്ചപ്പോള്‍ ഇതിഹാസമായി 
....................................

ഇവ കൂടി വായിക്കുക -

കാനന സ്മരണകള്‍ - ജാനകി

സീതേ, രാവണ തൃഷ്‌ണേ ..